Тим билдинг посветен на адреналински доживувања во највисокиот град на Балканот. Учесниците го искусија Крушево преку адреналинското возење ATV мотори и активностите во адреналинскиот парк, традиционална вечера во еден од најуникатните ресторани во ова мало градче, а не беше изоставен и опуштениот дел од тим билдингот – уживање во 5 ѕвездениот хотел со СПА и велнес услугите, којшто топло го препорачуваме после активно поминат ден. Наредниот ден беше посветен на повторен спој со природата преку засадување на дрвца со што нивното учество придонесе во збогатување на шумскиот предел – еден од симболите на ова планинско место.