Во срцето на винскиот регион, организиравме тим билдинг тура исполнета со различни избалансирани активности по барањата на нашиот клиент, почнувајќи од самото патување до Кавадарци, дегустација и винска едукација на македонски вина преплетени со забавни тим билдинг игри кои беа „виновникот„ за позитивната енергија со која се продолжи во резбарското атеље каде присутните испробаа резбарење и ги вкусија органските специјалитети на домаќините. Денот заврши во бајковитата винарија во Демир Капија со специјална вечера низ дегустација на вина во придружба на музика во живо. Следниот ден – посветен на активности во природа во живописниот демиркаписки предел и со прекрасен завршеток со едно незаборавно локално искуство.